الجيل الجديد من GPT-4 وهو نموذج الذكاء الاصطناعي GPT-4O المطور مجانا
OpenAI تكشف عن نموذج الذكاء الاصطناعي GPT-4O المطور مجانا
يوم سيسجل في تاريخ الذكاء الاصطناعي
اليوم OpenAI صرحت :
1- الجيل الجديد من GPT-4 وهو GPT-4O
هنا الـ O اختصار الـ Omnimodel أو بمعنى تاني النموذج الموحد اللي في قلبه كل النماذج الذكية بتاعت GPT-4
النموذج الجديد هيكون متاح للجميع مجانا.. مش لازم تدفع عشان تستخدمه
لماذا هو نموذج موحد؟
لأن بداخله قدرات على :
- انه يفهم الكلام المنطوق Speech
- يقدر يفهم الكلام المكتوب Text
- يقدر يفهم الصور Images
- يقدر يفهم الأصوات Voices
- يقدر يفهم نبرات الصوت وملامح الوجه والمشاعر في الصوت والوجه
- يقدر يفهم كمان العالم اللي حواليه Object & Scene Recognition
يقدر يعمل كل دول بشكل طبيعي سريع جدًا وكإنك بتتكلم مع واحد صاحبك
التفاعل بالصوت في GPT-4O
الطفرة الحقيقية في GPT-4O هو التفاعل بالصوت
لإن بمجرد ما بتكلمه وتسأله بيرد عليك في أقل من ثانية
وده أسرع من 2.8 ثانية مع GPT-3.5 وكمان طلقة عن GPT-4 اللي كان بياخد 5.4 ثانية عشان يرد!
تحفة النموذج الجديد في انك تستخدمه كمترجم فوري بين اتنين بيتكلموا لغتين مختلفين
عظيم في حل المسائل وانه يديلك تصور لطريقة الحل والخطوات من غير ما يكشفلك الحل أصلا
ملهوش حل في فهم العالم اللي حواليه فممكن يبقى عبقري لو قولتله مثلا تخيل هل كنبة لونها أحمر تليق على ديكور البيت هنا ولا لأ؟
برنس لو قعدت تتلكم معاه بالمنطق في مشكلة وقررت تخليه يبدأ يشوف حل، وممكن تقاطعه في نص ما بيتكلم عادي كإنه بني آدم طبيعي، وهيفتكر معاك انتو كنتو بتتكلمو في ايه أساسا من الأول مهما دخلت ف حواديت فرعية!
2- الشركة نزلت أخيرا نسخة مخصوص للديسكتوب من شات جي بي تي
والروعة فيه انك تقدر تستخدمه برضو كتابة وبالصوت وكمان تخليه "يشوف" المحتوى اللي تحدده على سطح مكتبك أو براوزر الويب أو أي أبلكيشن فاتحه، فيساعدك ويجاوب على أي أسئلة أو استفسارات تطلبها منها بخصوص المحتوى ده!
3- كل المزايا دي بقت مجانية:
- متجر GPTs Store
- رفع الصور إلى ChaGPT والتعامل معها
- سيكون متاح تصفح الويب وانك تسأل ChatGPT أي حاجة يسيرش عليها أونلاين
- سيكون متاح استخدام ميزة التذكر Memory ودي نزلت من فترة قريبة
(زي انك تقوله مثلا "افتكر اني دايما بحب أكتب قايمة المهام اليومية في صورة قائمة منقوطة Bullet Points" فكل مرة تقوله اعملي قايمة بالمهام دي يعملهالك بنفس التصميم)
تحليل البيانات والخرائط والرسوم البيانية
(دي روعة لو في شغلك أو مذاكرتك بتستخدم خرايط بيانات ورسوم بيانية وبتحتاج تطلع منها داتا.. هيعملهالك وهو مغمض)
كل المزايا هتوصل تدريجي لجميع المستخدمين مجانا
أما المستخدمين بتوع ChatGPT Plus المدفوعين دول هياخدوا 5 أضعاف الحد الأقصى للرسايل مع GPT-4O وكمان هيوصلهم تحديث جديد مخصوص لميزة التواصل بالصوت على الموبايل والديسكتوب Voice Mode..!
ها يا جوجل.. إلعبي دورك! (جوجل مؤتمرها للمطورين غذا I/O 2024 )